Под влијание на циклонска активност утре времето ќе биде претежно облачно и посвежо со повремени врнежи од дожд, а на планините од снег.

Попладне и во текот на ноќта на места врнежите ќе бидат пообилни, а поради продор на постудена воздушна маса со засилен северен ветер ќе преминуваат во снег на повисоките и на некои пониски места, особено во западните делови. На планините ќе се формира нова снежна покривка, а помала и на некои повисоки места.

Од Управата за хидрометеоролошки работи информираат дека в четврток ќе дува засилен до силен северен ветер, наместа и над 70 километри на час, а на одредени места ќе провејува слаб снег.

Во Скопската Котлина ќе преовладува облачно време со повремени врнежи од дожд, особено попладне и во текот на ноќта, кога ќе дува и засилен северен ветер.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.