Според последно направените анализи околу временската состојба за месец август за Македонија, но и регионот укажуваат дека поголем дел од Грција, источната половина на нашата држава како и поголем дел од Бугарија, но и во југоисточна Србија, температурите на воздухот се очекува да бидат нешто под просекот, односно истите треба да бидат пониски, за разлика од изминатите денови, соопштува Славчо Поповски.

Во останатите места од Македонија температурите на воздухот би требало да се задржат околу просекот, односно истите треба да бидат типични за тој месец од годината. Барем засега многу се мали условите температурите на воздухот во текот на месец август да се искачат над 40 степени.

Што се однесува до врнежите истите има услови да бидат малку под просекот, но сепак да биде нормално количеството на воден талог за тој дел од годината. И покрај оваа ситуација сепак граѓаните можат слободно да си планираат каде ќе си заминат на одмор понатаму и да уживаат во летото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.