Топлото време и високите надпросечни температури на воздухот за овој период од годината условија интензивно топење на снегот од планините и зголемување на водостојот на реките низ земјава и тоа најмногу на оние кои доаѓаат од повисоките планински масиви, информираат од Управата за хидрометеоролошки работи.

Од УХМР предупредуваат за внимателно движење покрај реките и суводолиците, особено во сливните подрачја кои доаѓаат од повисоките планински делови и каде има можност за интензивно топење на снегот во наредните денови.

– Поради високите како дневни, така и ноќни температури, топење на снежната покривка има дури и на повисоките планински делови со поголема надморска висина, што придонесува за забрзано зголемување на водостојот на водотеците низ земјава и тоа најмногу на оние кои доаѓаат од повисоките планински масиви, каде што се уште има поголеми количини на снег. Топлото време и високите температури на воздухот ќе продолжат и во текот на денешниот ден, но и во наредните денови, така што за очекување е да биде висок водостојот на реките низ земјава, се вели во соопштението од УХМР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.