За еден сантиметар е намален водостојот на Охридското Езеро, а нивоата на двете други природни езера во земјава се исти како вчера, покажуваат резултатите од последните мерења направени од Управата за хидрометеоролошки работи (УХМР).

Водостојот на Охридското и на Преспанското Езеро е понизок од повеќегодишниот просек за октомври и тоа за 15 сантиметри кај Охридското и за 1,58 метри кај Преспанското.

Со тоа, нивото на Преспанското Езеро на мерното место кај ХС „НАКОЛЕЦ“ е шест сантиметри под апсолутниот минимум кој изнесува 842,25 (мнм), а водостојот на Охридското Езеро е три сантиметри над дозволениот минимум од 693,10 (мнм). За разлика од нив, нивото на Дојранското Езеро е повисоко од просечното и тоа за 2,68 метри.

Водостоите, пак, на повеќето од реките главно се во границите на просекот, но бележат мало намалување во однос на вчера.в

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.