Времето претпладнево е сончево со мала до умерена облачност, а од пладне на места облачноста ќе се зголеми и ќе има појава на краткотраен пороен дожд, грмежи и повремено засилен ветер.

Како што информира Управата за хидрометеоролошки работи (УХМР), можна е изолирана појава на град и тоа претежно на југот од земјава. Ќе дува умерен, а вдолж Повардарието засилен северозападен ветер.

Максималната температура ќе биде во интервал од 14 до 20 степени, а во Скопје ќе достигне до 17 степени целзиусови.

Утре и в четврток ќе биде нестабилно, со локален пороен дожд во попладневните часови, засилен ветер, грмежи и услови за појава на град. Во петок и за време на викендот ќе преовладува претежно сончево и потопло време. Утринските температури на некои места ќе се спуштат и до минус еден степен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.