Времето денеска ќе биде сончево со мала локална облачност. Попладне во западните и северните делови облачноста ќе се зголеми, а во вечерните и ноќните часови ќе има врнежи, претежно од снег. До изутрина во овие делови ќе се формира нова снежна покривка. Ќе дува слаб, а во западните подрачја умерен ветер од западен правец, информираат од УХМР.

Максималната температура ќе биде во интервал од 4 до 10 степени. Времето во Скопје е сончево, попладне облачноста ќе се зголемува, а текот на ноќта ќе има врнежи од снег и формирање на помала снежна покривка. Температура ќе биде до 6 степени Целзиусови.

Утре во поголемиот дел од земјава ќе има врнежи од снег, пообилни во западните подрачја, особено претпладне. Насекаде ќе се формира нова снежна покривка, освен во долниот тек на Повардарието. Заради ниските температури, ќе има појава на голомразица. Ќе дува умерн, вдолж Повардарието засилен северен ветер – информираат од УХМР.

Оттаму истакнуваат дека во следните денови ќе се задржи променливо облачно, ветровито и многу студено време со повремен слаб локален снег. Утринските температури на места ќе се спуштаат под -10 степени, а дневните на повеќето места ќе се задржат под нула.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.