Времето денеска ќе биде облачно, посвежо и нестабилно со пороен дожд, грмежи и засилен ветер. Наместа врнежите ќе бидат поројни и пообилни, локално со над 20 литри на квадратен метар наврнат воден талог, проследени со силни електрични празнења, силен ветер и услови за појава на град.

Максималната температура ќе биде во интервал од 20 до 26 степени. УВ индексот ќе изнесува 5.

Во Скопје ќе биде облачно и нестабилно со пороен дожд, грмежи и засилен ветер, со услови во делови од скопската котлина процесите да бидат во форма на невреме. Максималната температура ќе достигне до 24 степени.

В сабота ќе се задржи променливо облачно и нестабилно време, на повеќе места со пороен дожд и грмежи. Локално процесите ќе бидат во форма на невреме со интензивен пороен дожд, силни електрични празнења, засилен ветер и појава на град.

Од недела ќе има постепено стабилизирање на времето со пораст на дневната температура.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.