Сообраќајната раздвиженост на граничниот премин „Богородица“ од утрово е зголемена како резултат на продолжениот викенд поради прославата на велигденските празници. Во моментот за излез од земјава се чека од 15 до 25 минути, велат од дежурната служба на граничната полиција.

-Во моментот има гужва од возила и автобуси, особено на излез од земјата каде концентрацијата на сообраќајот е поголема, а задржувањето на патниците поради обавување на задолжителните полициски и царински процедури не е подолго од 25 минути, велат од дежурната гранична служба.

Сите расположливи капацитети на граничниот премин се ставени во функција, а времето на чекање, велат граничните службеници, зависи од моментниот налет на сообраќајни бранови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.