Првиот изразен бран конечно доаѓа во Македонија, поточно поради формирање на длабок циклон над Атлантикот од петок па натаму од југ кон нашите краишта ќе започне да продира значително потопла воздушна маса и ќе услови многу повисоки летни температури на воздухот, информира метеорологот Славчо Попоски. Сепак, и покрај постабилната атмосфера сепак не се исклучува можноста за изолирана појава на нестабилност проследена со краткотраен пороен дожд, грмежи и засилен ветер.

Максималните дневни температури на воздухот од петок па во текот на следните денови по петок ќе се искачуваат во интервалот од 25 до 33 степени додека во централните и во југоисточните предели истите ќе се искачат до 35 степени.

Поради првиот поизразен топол бран и УВ индексот ќе биде многу повисок и ќе има коефициент од 9 до 10 па така истиот ќе биде екстремно висок, па доколку излегувате задолжително со себе да си понесете заштитна опрема односно капа и очила за сонце.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.