До крајот на денов во нашата држава времето ќе биде сончево и многу топло со умерена локална облачност. Ќе дува умерен до засилен ветер од југозападен и од северозападен правец, максималните дневни температури на воздухот ќе се искачуваат во интервалот од 28 до 35 степени, соопштува метеорологот Славчо Попоски.

Во Скопје и околината времето ќе биде сончево и многу топло со умерена облачност. Ќе дува умерен, повремено засилен ветер од јужен и од југозападен правец, максималната дневна температура ќе се искачи до околу 33 степени.

Потоа и во следните денови ќе се задржи претежно стабилно, суво и многу топло време. Температурите на воздухот ќе бидат за околу десет степени повисоки од нормалните и ќе се искачуваат во интервалот од 28 до 35 степени. Во најтоплите предели истите има услови да се искачат и малку над 35 степени.

Во недела и на почетокот од следната недела во попладневните часови ќе има услови за ретка појава на краткотраен локален пороен дожд и грмежи. НАПОМЕНА: До крајот на неделава ќе продолжи транспортот на Сахарска прашина и песок, па затоа и атмосферата ќе биде заматена а времето мачно и спарно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.