Утрово во земјава најстудено било во Берово и Крива Паланка каде се измерени -5 степени целзиусови, а најтопло било во Дојран со 4 степени.

Во Скопје Петровец и Маврово се измерени -4 степени целзиусови, -3 во Крушево и Лазарополе, -2 во Струмица, Тетово, Битола, Демир Капија, Штип, -1 во Прилеп, Охрид, Куманово, 0 Претор, Виница, Скопје Зајчев Рид, 2 Гевгелија, 4 Дојран.

Висината на снежната покривка измерена во 7 часот изнесува 7 сантиметри во Попова Шапка и 4 во Маврови Анови.

Времето во земјава денеска ќе биде сончево со мала до умерена облачност. Ќе дува слаб до умерен ветер претежно од јужен правец. Преку ноќта облачноста ќе се зголеми.

Максималната температура ќе биде во интервал од 8 до 15 степени.

Во Скопје ќе биде сончево со мала до умерена облачност и со слаб претежно јужен ветер. Максималната температура ќе достигне 12 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.