Корисничко – енергетскиот центар на ЕВН од Гевгелија, утрово потврди дека поради неопходни работи за осовременување на електро мрежата, денеска од 10 до 17 часот без електрично напојување ќе биде југозападниот дел од градот.

Седумчасовниот прекин на струја ќе ги опфати булеварот „Гевгелија“, населбата ,,Караорма“,, улиците „Маршал Тито“, „Солунска“, „Јосиф Јосифовски“, „Сараевска“, „Илија Миов“, и улицата „Моински пат“, со сите индустриски објекти на таа улица.

Од КЕЦ Гевгелија апелираат до граѓаните и правните субјекти,професионално или приватно,времето денеска да си го организираат според најавениот прекин на електрична енергија во југозападниот дел од градот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.