Меган Маркл и принцот Хари ја споделија првата фотографија со нивната ќерка Лилибет Дајана.

Фотографијата е дел од божиќната честитка за 2022 година, објавена шест месеци по раѓањето на нивното второ дете.

На фотографијата Меган (39) ја држи Лили во воздух додека Хари (36) седи со нивното првородено дете, двегодишниот Арчи Харисон, во неговиот скут.

Хари, Меган и Арчи избрале да облечат фармерки за семејниот портрет, кој е дело на фотографот Алекси Лубомирски, додека Лилибет носи бел фустан.

„Оваа година, ја пречекавме ќерката Лилибет“, стои во честитката. „Арчи нè направи „мама и тато“, а Лили нè направи семејство.“

Меган и Хари го добија своето девојче на 4 јуни во болницата Санта Барбара Котиџ во Калифорнија.

„Таа е повеќе отколку што некогаш можевме да замислиме, и ние сме многу благодарни за љубовта и молитвите упатени до нас што ги почувствувавме ширум светот“, се вели во соопштението на војводата и војвотката од Сасекс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.