Градоначалникот на Општина Гевгелија Сашо Поцков денеска ги посети среќните родители и нивното бебе Василија Камчева од село Моин кое е првото родено во оваа општина во 2020 година.

Поцков на малата Василија и подари чек од 10.000 денари, како и пакет со бебешка козметика и храна.

Младата брачна двојка, Драгица и Перо Камчеви, ќеркичката со тежина од 3.150 грама и должина од 51 сантиметар, ја добиле уште во првиот ден од Новата година, но среќната мајка на свет ја донела во болницата во Струмица.

Ова е нивно второ дете, а првото, синот Душан, исто така, беше прво новородено дете во општина Гевгелија во 2017 година.

Од Општината посочија дека освен на првороденчето, за вкупно 194 новородени бебиња во изминатава година биле исплатени ваучери од по 6.000 денари, а за секое третородено дете во семејство по 12.000 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.