Со природен прираст од минус 92, Битола е лидер во државата по негативен природен прираст според последните податоци на Државниот завод за статистика за последното тримесечје од минатата година. И во овој период, бројот на починати е поголем од бројот на родени лица во Битола. Се родиле 203 бебиња, додека бројот на починати е 295, од кои едно новороденче. Статистиката на битолската болница покажува намалување на наталитетот за минатата година.

Во 2016 година имало 937 раѓања во Клиничка болница Битола , во 2017 година имало 1097 раѓања, додека во 2018 година имало 765 раѓања. Во првите два месеца од 2019 година има 109 раѓања. Наталитетот е намален.

Во последното тримесечје лани, според статистиката во Битола биле склучени 109 бракови, а имало 1 развод.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.