На јапонската планина Фуџи пронајдено е тело на планинар за кој се претпоставува дека настрадал додека во живо преку социјалните мрежи го пренесувал своето искачување кон врвот.

Сомневањата се дека се лизнал и паднал. Полицијата покрена голема потрага надевајќи се дека ќе го пронајде живо, но на висона од 2.700 метри пронашле тело на маж.

На снимката може да се слушне како планинарот вели дека прстите му трнат од студенилото и дека сакал да понесе и грејачи.

Само што кажал дека патот кон врвот е многу лизгав и покриен со снег, наеднаш почнал да паѓа. Тогаш снимката се прекинува.

Качувањето на највисоката планина во Јапонија е дозволено само од јули до 10. септември.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.