Во време на строгите хигиенски мерки во услови на пандемија од коронавирусот, Италијанците се досетија како и натаму да уживаат во својот омилен деликатес, а римски продавач на сладолед демонстрираше како ќе ги услужува клиентите.

Паоло Константини носи заштитна кацига со пластичен визир, пластични ракавици и маска.

Пред неговата продавница за сладолед „Ил Џелатоне“, од кој е видлив Колосеумот, има машина за дезинфекција на рацете.

Клиентите на влезот со термален скенер им се мери температура, а на подот со црно-жолти ленти им се укажува на растојанието што мора да го почитуваат.

Италијанците добија малку слобода во понеделникот. Некои пандемски мерки се укинати за да можат сега да вежбаат на отворено.

Кафулиња, ресторани и продавници за сладолед се отворени за подготовка на храна и десерт за носење.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.