Црквата Св. Јован Канео, едно од најрепрезентативните обележја на Охрид, е мотивот на наградената фотографија што ја додели вчерашното издание на неделното издание на лондонскиот весник Тајмс.

Станува збор за фотографија на Стив и Џин Куртек, испратена до весникот на отворениот конкурс за најдобра фотографија, за потребите на специјалното издание за патувања „Treilfinders”.

Победниците на серијата седмични фотографии влегуваат во трка за финалната награда што ќе биде прогласена дополнително.

Охрид и неговите природни убавини заедно со неповторливиот амбиент што го дава Охридското Езеро честопати е мотив на фотографии објавувани во најпознатите светски дневни весници и престижни специјализирани списанија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.