Еколозите ги предупредуваат луѓето дека не смеат да бидат во контакт со водата која доаѓа од преубавото езеро „Сибирски Малдиви“, во близина на Новосибирск.

Рускиот еколог Дмитриј Шаков предупредува дека водата од езерото може да предизвика алергиски реакции, дури и хемиски изгореници, дури и само ако се допре, пренесува „Танјуг“.

Тој додава дека водата е полна со тешки метали и штетни супстанци.

Сибирска енергетска компанија постави стража за да ги спречи приодот до езерото, но истовремено тврди дека езерото не претставува опасност за животната средина.

Езерото доби тиркизна нијанса поради хемиска реакција меѓу елементите од токсичниот отпад од локалната електирчна централа, пренесува АП.

Езерото може да го споредиме само со фотографии од Малдвите, вели жителот Сергеј Грива, иако тој никогаш не бил на Малдивите и не знае ни на географска карта да ги пронајде.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.