Бразилската манекенка Елоиз Пинто Фонтес исчезна минатата година, а последен пат беше видена во Њујорк. Сега е пронајдена како скита по улиците на Рио дезориентирана, јавуваат локалните медиуми.

Елоиз некогаш беше на насловните страници на списанијата „Elle“ и „Grazia Glamour“, а беше и заштитно лице на „Dolce & Gabbana“.

Бразилските медиуми пишуваат дека полицијата сега ја пронашла по пријавата дека непозната жена одела по фавелата. Таа носела ранец во кој имало документи и договори со странски модни агенции и препораки од меѓународни фотографи.

Таа моментално е во болница, а нејзиното семејство е информирано за нејзиното пронаоѓање.

Семејството на Фонтес бараше информации за неа откако таа исчезна во јуни 2019 година во Њујорк, каде што живеела со нејзиниот сопруг и колега модел Андре Бирлеанул.

За неа се вели дека е во параноична состојба и не сакала да оди со полицијата, за која мислела дека се обидуваат да ја киднапираат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.