Сладоледот од ванила е класика затоа што е идеален сам, а одличен е и за да го мешате со други вкусови на сладолед, но и со сосови и преливи.

Малкумина знаат дека многу лесно сами можете да подготвите домашен, вкусен сладолед од ванила и тоа за многу брзо време.

Потребни ви се само неколку основни состојки.

Потребни состојки:

  • 3 јајца;
  • 500 мл млеко;
  • 300 гр. шеќер;
  • 2 кесички ванилин шеќер;
  • Една лажичка екстракт од ванила;
  • 200 гр. шлаг;

Начин на подготовка:

Во длабок сад со миксер се матат јајцата и белиот и ванилиниот шеќер додека не се добие пенеста смеса;

Млекото се става во тенџере на рингла да проврие;

Кога ќе зоврие, млекото се трга од оган и во него се даваат изматените јајца;

Смесата се враќа на рингла на средна температура и се вари додека не зоврие со постојано мешање;

Готовата смеса се трга од рингла, се додава екстракт од ванила и се остава да се олади;

По ова се меша шлаг пената според приложените упатства и се додава во претходно подготвената смеса;

Сладоледот се става во замрзнувач, а добро би било по два часа да го извадите и уште еднаш да го изматите со миксер за да добиете кремаст сладолед;

Постапката можете да ја повторите уште еднаш по три часа;

Уживајте.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.