За крајот на годината решивме да ја споиме омилената торта и коктел во еден незаборавен десерт и со него да „наздравиме“ на 2019 година!

Состојки:

200 грама мелена плазма

100 грама путер

500 грама маскарпоне

25 грама шеќер во прав

50 мл. џин

1 лажиче исцеден сок од лимон или лимета

кора од лимон или лимета

100 грама бело чоколадо

300 мл. блага павлака (шлаг)

Подготовка:

1. Измешајте ја плазмата со растопениот путер. Оваа смеса натапкајте ја во калап за торта и ставете ја во фрижидер да се стегне.

2. Измештајте го маскарпонето, шеќерот, џинот, исцедениот сок и кората од лимон или лимета.

3. На пареа стопете го белото чоколадо и потоа оставете го две минути да се олади пред да го додадете во сметата со маскарпоне.

4. Во посебен сад изматете шлаг и потоа додадете го во сместата од сирење и чоколадо.

5. Оваа смеса прелијте ја преку тестото од плазма и путер и вратете ја тортата во фрижидер најмалку шест часа, а идеално би било да остане преку цела ноќ.

6. Послужете со омилениот коктел.

Наздравје и Среќна Нова 2019 година!

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.