Недостигот од носачи на кофчези се закнува да доведе до одложување на погреби во Германија, предупредуваат погребниците. Тие наведуваат дека празнините ги пополнуваат пензионери и ученици, но дека тоа не е трајно решение.

Порано беше вообичаено пријатели или роднини да ја преземаат оваа задача, вели Кристијан Јагер, директор на Здружението на погребници во Северна Рајна-Вестфалија.

Постарите носачи, сепак, имаат свои проблеми, вели Мајкл Ваш од погребалното претпријатие „Вебер“ во Дортмунд. Луѓето денес се многу потешки и, заедно со цвеќињата и ковчегот, шест носачи честопати треба да подигнат 200 килограми.

Во Германија погребалните претпријатија не ангажираат носачи затоа што тоа не им се исплати финансиски, но и поради порастот на бројот на кремирања. По кремирањето урната до гробот најчесто ја носи свештеник или член на семејството.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.