Студент, кој во саботата го полагал стандарниот приемен испит за Универзитетот во Токио, бил дисквалификуван откако одбил да го покрие носот со маската и со тоа ги прекршил правилата.

Организаторот на групниот испит за јапонските медиуми информирал дека студентот не ги испочитувал инструкциите на супервизорите, иако седум пати му било напоменато да ја намести маската правилно.

Центарот каде се одржуваат испитите потенцирал дека правилата мора да се почитуваат, а доколку некој од студентите поради медицински причини не може да носи маска, за него се обезбедува посебна просторија, а тоа мора да го најави ден пред испитот. Конкретниот студент не побарал тоа да му се обезбеди, но и не ја кажал причината зошто седум пати одбил да го покрие носот. Тој бил избркан од полагањето и со тоа се смета дека паднал на испитот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.