На денешен ден, 22 февруари 1878 година, во Охрид е роден македонскиот војвода и еден од најголемите великани на ВМРО – Христо Узунов.

Ако некој може да се нарече совест на македонското револуционерно дело, тоа е Узунов. Неговиот огромен идеализам, неговото родољубие е толку големо, што во едно од неговите најпознати писма до неговата мајка, тој отворено и кажува дека повеќе ја сака неговата втора мајка – Македонија, отколку неа, што го родила, притоа истакнувајќи дека не сака да ја навреди родената мајка, но дека сега и е многу попотребен на Македонија, која се наоѓала во многу големи маки и на која и била потребна неговата помош.

Загинал на 24 април 1905 година во кичевското село Цер. За да не им паднат живи в раце на Турците, тој и неговите 13 соборци последните куршуми ги истрелале во себе.

Војводата Христо Узунов ќе остане запишан со големи букви во македонската историја. Неговиот патриотизам, преданост и верност на македонската кауза, остануваат вечен и светол пример за идните поколенија Македонци.

Вечна ти слава Војводо !

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.