Утре е Петровден, еден  од најголемите верски празници. За овој ден врзани се бројни верувања.

Едно од нив е дека најстариот во домот вечерва треба да набере по еден цвет за секој во куќата. Така набрани ги става во земја, каде никој не ги гледа и фаќа. Утредента рано, кога никој не го гледа, оди да ги види цветовите. На кој од домашните цветот му стои право, ќе биде здрав, на кој му е овенат цветот, ќе биде болежлив, а на тој што му овенал цветот, ќе почине.

На овој празник не се иде во поле и не се почнуваат тешки земјоделски работи, а посебно не се впрегнуваат коњи во кола.

Постои верување дека на овој ден свети Петар дели јаболки на децата на оној свет. Од таа причина се развиле повеќе обичаи, меѓу кои и оној дека во година пред Петровден не треба да се јадат јаболки.

Верувајќи во ова, во минатото многу мајки кои изгубиле деца се воздржувале од јадење јаболки пред Петровден, од страв дека на овој празник нивното дете на оној свет нема да добие јаболко.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.