Делумно искинатата слика на британскиот уличен „скриен уметник“ Бенкси е продадена за 18,5 милиони фунти (нешто над 21,8 милиони евра), на наддавањето во аукциската куќа „Сотби“ во Лондон.

Уметничкото дело „Љубовта е в ѓубре“, ја надмина првичната проценка на вредноста од 4-6 милиони фунти и му донесе рекорден хонорар на уметникот.

Сликата, првично насловена „Девојчето со балон“, се најде на насловните страници во 2018 година и доживеа многу реплики потоа. На крајот на претходната аукција кога беше продаден за 1,1 милион фунти, предметот „таинствено се самоуништи“, со помош на сечила скриени во долниот дел на рамката. Така, долната половина од уметничкото дело е надвор, во „реси“, а во рамката остана само балонот во облик на црвено срце. Се наведува дека уметникот намерно го направил тоа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.