Додека граѓаните на Швајцарија ги повикуваат на социјално дистанцирање и почитување на рестрикциите поради пандемијата, пратеници од швајцарското Собрание по седница се собраа во ресторан.

По 14-часовна седница на тема – мерки за надминување на кронавирусот, пратениците се „опуштиле“ во ресторан на Саемот, пишува „Блик“, а пренесуваат и други медиуми.
Кога околу 23.30 часот дошла полицијата и ја прекинала „журката“, во ресторанот имало помеѓу 50 и 100 пратеници. Весникот пишува дека полицијата не им изрекла никакви казни.

Лидерот на Народната Партија, Герхард Фистер, рекол политичарите мора да бидат пример за граѓаните.

Зошто да бараме граѓаните да почитуваат одредени мерки кога и самите не ги почитуваме, рекол Фистер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.