Седумгодишно дете починало во Тајван, откако трнерот, кој немал лиценца за работа го фрлил на подот 27 пати за време на вежбање џудо. Детето паднало во кома и по 70 дена починало.

Тренерот и уште еден присутен вежбале да го фрлаат на подот на час по џудо, по што седумгодишното момче претрпело сериозно крварење од мозокот и паднало во кома. Вчера нагло му паднал крвниот притисок и отчукувањата на срцето на детето, па по 70 дена родителите решиле да го отстранат од апаратот и официјално бил прогласен за мртов.

Тренерот на момчето, во доцните шеесетти години, е обвинет за физички напад што резултира со сериозна повреда и кривично дело против малолетник, пишува Би-Би-Си.

Тренерот Хо е ослободен од притвор на почетокот на овој месец, додека момчето сè уште било во кома, со кауција од 100.000 нови тајвански долари (околу 22 600 американски долари). Но, сега го чека промена на обвинението, во „повреда што предизвикува смрт“.

Седумгодишното момче било на час по џудо на 21 април под надзор на неговиот вујко, кој наводно го снимал за да и покаже на неговата мајка дека момчето не сака да спортува.

Видеото покажува како постар студент неколку пати фрла седумгодишно дете на подот. Има дури и стенкање, но потоа тренерот му наложува на момчето да стане и постариот да го фрла на подот. После тоа, самиот тренер вежбал фрлање со момчето.

Седумгодишното момче тогаш се онесвестило, а тренерот дури го обвинил, барем според семејството, дека се прави дека се онесвестил.

Тајвански експерти наведуваат дека тренерот не престанал со ваква насилна обука затоа што на Тајван постои заеднички концепт на почитување на наставниците, што понекогаш значи прифаќање на нивниот авторитет без оглед на околностите.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.