Малолетниот син на некогаш славната пејачка Шинејд О’Конор бил пронајден мртов. Пејачката преку „Твитер“ потврди дека починал нејзиниот 17-годишен син Шејн.

Мојот прекрасен син Невим Неста Али Шејн О’Конор, светлото на мојот живот, одлучи да ги прекине овоземните маки и сега е со Бог. Нека почива во мир и никој да не го следи неговиот пример. Мое бебе, те сакам многу, напиша пејачката.

Шејн во четвртокот исчезнал од болницата каде бил на испитување поради сомнеж дека би можел да изврши самоубиство. Набрзо по неговото исчезнување, алармирана е полицијата, а пејачката се заканила со тужба за болницата од која избегал нејзиниот син.

Телото е пронајдено во округот Брех на 7 јануари 2022 година и во прашање е Шејн О’Конор, соопштено е од полицијата за британските медиуми.

Татко на тинејџерот е ирскиот музичар Донал Луни.

И самата Шинед имаше неколку испади и закани дека ќе си го одземе животот. Во 2018 година реши да премине во ислам.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.