Познатиот македонски пејач кој прв ја испеа легендарната песна „Каде сте Македончиња“, Александар Сарев почина вчера во Скопје на 86 годишна возраст, информира неговото семејство.

Александар Сарев е роден на 20-ти февруари 1936 година. Во богатата своја музичка кариера, најпознат беше откако во 1987 година на Фолк фест Валандово, за првпат ја изведе антологиската музичка тема „Каде сте Македончиња“.

За оваа изведба на Сарев, креаторот на песната Бранко Ѓоргиевски – Кецовски во една своја изјава ќе рече:

Изборот за изведба на песната падна на веќе реномираниот и искусен пејач Александар Сарев, кој песната ја отпеа маестрално и многу, многу трогателно.

Погребот на Сарев ќе се одржи денеска во 13 часот на гробиштата во Бутел.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.