Иако разговорите не беа продуктивни, принцот Хари и Меган се задоволни што барем почнаа да разговараат со одделни членови на семејството.

Големата вест доаѓа од кралското семејство: принцот Хари, војводата од Сасекс, викендов прв пат разговараше со неговиот татко принцот Чарлс и братот принцот Вилијам откако минатата недела беше емитувано неговото интервјуто и на Меган Маркл со Опра Винфри, пренесуваат англиските медиуми.

– Па, јас всушност им се јавив за да видам како се чувствуваат и да, вистина е, Хари разговараше и со неговиот брат и татко. Ми рекоа дека разговорите не биле продуктивни, но им е драго што барем почнале да разговараат – рече Гајли Кинг (66), водител на CBS News и пријател на Меган Маркл.

Но, Кинг, која е исто така многу добра пријателка на Опра Винфри, истакна дека разговорите „не биле продуктивни“ и дека Сасекс сака кралското семејство да интервенира и да им каже на новинарите да престанат со нефер, неточни, лажни приказни кои дефинитивно се расни утврдени.

– И мислам дека тие сè уште се вознемирени што палатата постојано кажува дека сакаат приватно да го решат проблемот, но сепак, тие веруваат во сите овие лажни приказни што излегуваат и кои се уште се многу омаловажувачки против Меган. Засега никој од кралското семејство не разговарал со Меган. И мислам дека ги фрустрира да видат како се дискутира за расата во кралското семејство.

– И додека не успеат да го препознаат тоа, мислам дека ќе биде тешко да се оди напред. Но, и двајцата сакаат да одат напред и обајцата сакаат ова семејство да се опорави. На крајот, тоа е семејството на Хари – додаде таа.

Минатиот четврток, принцот Вилијам се осврна на обвинувањата за расизам во кралското семејство за време на јавниот настап со неговата сопруга Кејт во училиште во источен Лондон.

– Ние во никој случај не сме расистичко семејство, рече тој.

Тогаш новинарите го прашаа дали е во контакт со неговиот брат Хари, на што војводата рече дека сè уште не разговарал со него, но дека ќе разговара.

Бакингемската палата издаде официјално соопштение минатиот вторник откако беше емитувано бомбастичното интервју во САД на 7 март.

Изјавата во име на кралицата Елизабета Втора гласеше вака:

„Целото семејство е во жалост откако дозна колку последните години претставуваа предизвик за Хари и Меган. Темите кои се покренати, особено оние за расата, се загрижувачки. Иако некои од нашите сеќавања може да се разликуваат, овие прашања ги сфативме многу сериозно и семејството ќе ги реши приватно.“

– Хари, Меган и Арчи секогаш ќе бидат многу сакани членови на семејството, додаде таа.

Војводата и војвотката од Сасекс сега живеат во Монтесити во Санта Барбара со нивниот едногодишен син Арчи откако се повлекоа од кралските должности во март 2020 година, а Меган треба да роди ќерка на лето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.