Во сојузната држава Њујорк од синоќа стапи забраната за користиење пластични кеси. Продавници и супер маркетите во оваа сојузна држава не смеат да им даваат на купувачите бесплатни ќеси за еднократна употреба.

Ова е предвидено во усвоениот закон за намалување на количините на исфрлено ѓубре и зачувување на природната околина.

Гувернерот Ендрју Куомо истакна дека пластичните кеси се видливи по улиците разнесени од ветерот, се закачуваат на гранките на дрвјата, ги преполнуваат депониите, ги загадуваат езерата, реките, потоците, соопшти весникот „Хроникал ескпрес“.

Според него, тоа и штети на околината и мерката со забраната ќе ја заштитат природата и ќе придонест кон решавање на проблемите со екологијата.

Според законот, компаниите не смеат и да продаваат пластични ќеси на купувачите. Во градовите во сојузната држава Њујорк, купувачите, сепак, можат да купат хартиени кеси по цени од пет до десет центи. Од таа сума, два цента се наменети за локалниот буџет, а три цента во државниот Фонд за заштита на природната средина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.