Хрватската планинска спасувачка служба соопшти дека утрово е завршена една од најтешките спасувачки операции кои ги организирала и дека е спасен повреден планинар кој се лизнал низ падина од 150 метри на највисокиот врв на Велебит (Вагански врв).

Во акцијата учествувале 27 спасувачи од Госпиќ, Задар, Сплит и Истра. Повредениот планинар се наоѓал на многу непристапен терен, а акцијата за спасување траела речиси девет часа.

Спасувачите објавија и детал на Фејсбук кој ги воодушеви сите. Имено, заедно со планинарот се лизнало и неговото куче. Тоа не било повредено и се свиткало покрај планинарот, греејќи го со своето тело цели 13 часа.

Од овој пример, сите можеме да научиме како да се грижиме еден за друг, напишаа спасувачите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.