Според официјалните податоци, членовите на кралското семејство работеле во просек 84,5 дена минатата година, или околу една третина од 253 вообичаени работни денови во Велика Британија.

Деветте медиумски најистакнати членови на кралското семејство (кралицата, принцот Чарлс, Вилијам, Кејт, Ана, принцот Едвард, принцот Ендрју, принцот Хари и неговата сопруга Меган) работеле вкупно 761 ден.

Единствената ќерка на кралицата Елизабета Втора, пак, принцезата Ана трета година по ред е „највредна“ во таа смисла, со вкупно 167 работни денови. Наследникот на престолот, принцот Чарлс е на второто место со 125 дена службена должност. Кралицата Елизабета Втора (93), работела 67 дена, четири повеќе отколку во 2018 година.

Подробностите за официјалните ангажмани на монархот се запишуваат во Дворскиот циркулар – дневен список на настани на коишто присуствуваат кралицата и нејзиното семејство.

Сепак, некои членови на кралското семејство имаат и приватни ангажмани, кои можеби не се вклучени во оваа листа.

Вториот кралски престолонаследник – принцот Вилијам работел 74 дена изминативе 12 месеци. Неговата сопруга Кејт работела 58 дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.