Вага 24.9.-23.10.

Ако сте во врска:

Ќе добиете поголемо внимание од саканата личност, па потрудете се да возвратите на грижата која ќе ви биде пружена. И на партнерот му е потребна ваша поддршка, па бидете тука, бидејќи во спротивно, ќе почувствува несигурност. Бидете отворени во разговорите на разни теми и заеднички носете важни одлуки. Во втората половина времето ќе си го исполните со повеќе романтични активности. На крајот на месецот внимавајте на несогласувањата.

Ако сте слободни:

Ќе почнете да гледате јасни знаци на флерт кои ќе ви бидат упатени од одредена личност на која ѝ се допаѓате. Ќе се заинтересирате за нешто повеќе, па ќе почнете да се гледате. На почетокот ќе ви годи забавата и вниманието, па набрзо ќе почнат да ви се јавуваат и чувства. Претераната посесивност може да ви смета, па ако не ја спречите, може да биде причина за раскинување.

Шкорпија 24.10-22.11.

Ако сте во врска:

На почетокот на месецот можно е да имате сериозни конфликти заради работи кои сте ги криеле, а ќе излезат на виделина. Проблемите ќе бидат потешки за решавање, па ќе биде неопходно да се вложите максимално за да ја исправите грешката. Кон крајот на месецот ќе го подобрите односот и ќе водите долги и сериозни разговори како да ја надминете кризата.

Ако сте слободни:

Ќе се заљубите во личност која не е слободна и ќе размислувате како да ја „украдете“ само за себе. Ќе чувствувате љубомора и ќе сакате да правите сплетки. Отворено ќе се обидете да привлечете поголемо внимание користејќи ги слабостите на личноста која ви се допаѓа. Кога ќе сфатите дека немате шанси, ќе се откажете. Кон крајот на месецот ќе запознаете личност која има потенцијал за врска.

Стрелец 23.11.-21.12.

Ако сте во врска:

Избегнувајте да правите работи зад грбот на вашиот партнер и не кријте ништо и не се обидувајте да флертувате со други – ќе бидете откриени. И вие самите ќе бидете склони кон проверки на партнерот, па можеби ќе откриете нешто што нема да ви се допадне. Недовербата ќе доведе до напнатост, но до крајот на месецот искрените разговори ќе ја решат ситуацијата.

Ако сте слободни:

Ќе добиете понуда за тајна врска од личноста која подолго време ви се допаѓа. Страстите ќе спречат да размислувате разумно па ќе прифатите. На почетокот ќе биде како од бајка, но кон крајот на месецот ќе дојде до сериозни несогласувања и кавги. Можно е да откриете дека не сте единствени со кои личноста е во тајна врска.

Јарец 22.12.-20.1.

Ако сте во врска:

Ќе се потрудите да ги подобрите односите со саканата личност преку поинтензивни разговори. Полека ќе почнете да ги елиминирате работите кои на двајцата ви пречат и ќе почнете да ги ублажувате проблемите. Во втората половина на октомври ќе имате повеќе разбирање и ќе покажете иницијатива за повеќе да поминувате време заедно и за нови активности.

Ако сте слободни:

Обидот да се приближите на личноста која ве привлекува ќе ви донесе разочарување, бидејќи ќе откриете дека погрешно сте ја процениле. Ќе свртите нов лист и ќе почнете да се движите во нови кругови за да се потрудите да најдете некој со повеќе заеднички интереси. Кон средината на месецот ќе најдете личност која ќе ги исполнува критериумите. Набрзо ќе се зближите.

Водолија 21.1.-19.2.

Ако сте во врска:

Тајните кои сте ги криеле од партнерот ќе излезат на виделина и ќе ви донесат сериозни несогласувања. Партнерот ќе биде чувствителен и ќе треба повторно да се докажете и да пружите повеќе внимание. Кон крајот на месецот ве очекува подобрување на односите, а тоа ќе ви помогне да сфатите кои биле вашите грешки и во што лежи проблемот.

Ако сте слободни:

Ќе се чувствувате несигурно и нема да знаете дали да го направите првиот чекор. Ќе почнете да правите стратегии како да ја привлечете личноста што ви се допаѓа, но во меѓувреме ќе се случи пресврт и ќе бидете разочарани, па ќе се откажете од замислата. Во втората половина на месецот ќе запознаете забавна личност која ќе сака со вас да ги дели своите интереси и слободно време.

Риби 20.2.- 20.3.

Ако сте во врска:

Време е да почнете повеќе да го планирате заедничкото време и на агендата да ставите романтично патување кое ќе внесе свежина во врската. Во меѓувреме можни се несогласувања околу плановите, но брзо ќе постигнете компромис. Во втората половина постојано ќе разговарате за идеи и предлози како да си го подобрите квалитетот на врската и комуникацијата. Ќе внесете повеќе забава и ќе си го исполните слободното време со заеднички активности.

Ако сте слободни:

Ќе „паднете“ на личност која не живее во близина, па времето можно е да го поминувате во допишување. На почетокот ќе бидете воздржани, но потоа ќе се впуштите во разговори како да се знаете цел живот. Иако условите не се идеални, сепак можно е ова да прерасне во нешто повеќе од обична виртуелна авантура.

Овен 21.3-20.4.

Ако сте во врска:

На почетокот на месецот можно е да паднете во искушение да започнете афера, која ќе ви донесе тешкотии во односот со саканата личност. Партнерот ќе покаже љубомора и страстите ќе ви бидат на високо ниво, па нема да може да ја контролирате ситуацијата. Избегнувајте кавги и непријатни сцени. Кон крајот на месецот ситуацијата ќе се стабилизира.

Ако сте слободни:

Ќе бидете склони кон личности кои не се слободни, а страста нема да ви дозволи разумно да размислувате, па можно е да се најдете во непријатни ситуации. Сепак, набрзо ќе се откажете од оваа авантура и кон втората половина на октомври ќе запознаете некој што на прв поглед ќе ви се допадне. До крајот на месецот можно е да започнете врска која има потенцијал.

Бик 21.4- 20.5.

Ако сте во врска:

Ќе ви се отворат интересни можности да ја зачините врската и да ги подобрите односите со партнерот. Ќе направите некои нови планови и заеднички ќе ја договарате иднината. Не ги пропуштајте шансите за кратки викенд патувања и препуштете се еден на друг. Време е да исполните некои ветувања од претходно, а тоа ќе се оствари до крајот на месецот.

Ако сте слободни:

Очекувајте повеќе забава и запознавање нови луѓе. Посебно ќе се издвои една личност која ќе ви пружи внимание и ќе покаже симпатии кон вас, но нема да биде доволно за да се впуштите во нешто посериозно. Доколку во меѓувреме нема потенцијални избраници, може да ѝ дадете шанса на оваа личност. Кон крајот на месецот може да се појави некоја љубов од минатото…

Близнаци 21.5.-21.6.

Ако сте во врска:

Ќе уживате во интимните и пријатни заеднички моменти кои ќе ги имате со саканата личност. Ќе ви паднат напамет голем број забавни и креативни активности со кои ќе ја живнете атмосфера на љубовно поле. Еден со друг ќе имате разбирање и ќе си нудите заедничка поддршка и мотивација. До крајот на месецот уште повеќе ќе ви се подобри комуникацијата и ќе откриете дека имате многу заеднички цели.

Ако сте слободни:

Во првата декада на октомври ве очекува запознавање со некоја личност која ќе ве заинтересира со своите квалитети, знаење, убавина и оптимистичен дух. Ќе откриете дека имате заеднички интереси и дека сакате да се впуштите во заедничка авантура. До крајот на месецот работите ќе се одвиваат динамично и можно е да започнете врска.

Рак 22.6-22.7.

Ако сте во врска:

На почетокот на месецот ќе имате поголеми несогласувања со партнерот, а вашата тврдоглавост нема да ви биде од корист. Нема да ги слушате сугестиите од блиските и ќе инсистирате на вашите замисли. Подобрување на односите и ситуацијата ве очекуваат кон крајот на месецот кога ќе покажете блага попустливост. Сепак, тоа нема да трае долго.

Ако сте слободни:

На почетокот на октомври ќе запознаете личност која ќе ве привлече и во која ќе се заљубите на прв поглед. Ќе почнете да се гледате често и страстите ќе се разгоруваат. Сепак, набрзо ќе сфатите дека тоа не е личност за вас, бидејќи не сакате никој да ве контролира. Кон крајот на месецот ситуацијата ќе ескалира и ќе го завршите односот засекогаш.

Лав 23.7-22.8.

Ако сте во врска:

Во првата декада на октомври ќе имате несогласувања со партнерот, бидејќи двајцата ќе имате различни гледишта на врската. Нема да може да се усогласите како да го поминувате заедничкото време, што ќе доведе до кавги. Во втората половина на месецот напнатоста ќе се намали и ќе се потрудите повеќе да разговарате за меѓусебните потреби и желби.

Ако сте слободни:

Ќе бидете преокупирани со неколку личности кои ќе ви се вртат низ глава и со кои ќе се занимавате. Имате поставено повисоки критериуми, па нема да ви биде лесно да одлучите која го заслужува вашето целосно внимание. Ќе одберете ведра и оптимистична личност, која сака патувања, нови искуства и авантури. Нема да се разочарате.

Девица 23.8.-23.9.

Ако сте во врска:

Цел месец среќата ќе ви биде наклонета на љубовно поле. Нема да имате многу несогласувања, освен околу некои ситници. Не ја запоставувајте комуникацијата и отворајте што повеќе теми за да ги подобрите односите. Најмногу време ќе поминувате во домашна атмосфера, а ќе направите планови околу некои инвестиции за домот и иднината.

Ако сте слободни:

Ве очекува возбудлив месец на љубовно поле, а ќе имате многу шанси за започнување врска. Потребна ви е стабилна личност со која ќе може да се смирите и да бидете сериозни. Ќе одберете токму таква, но по кратко време ќе се докаже спротивното. По низа несогласувања, ќе ја прекинете авантурата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.