Астролозите откриваат што треба да направи секој хороскопски знак до крајот на летото за да привлече повеќе среќа, љубов и пари:

Овен

Направете нешто со своите раце, спортувајте, натпреварувајте се со другите. Во ваша природа е да бидете лидер затоа развијте ги вашите лидерски вештини доколку сакате да бидете успешни.

Бик

Ова е вистинско време да почнете да се занимавате со домот, да бидете креативни особено во поглед на декорациите, но и да ги пробате вашите кулинарски вештини. Од друга страна, време е и да се фокусирате на личните финансии и подобро да го организирате вашиот буџет.

Близнаци

Патувањата, средбите со нови луѓе, учењето нови работи и пишувањето ви ја разгоруваат страста за животот. Ова ќе биде идеално време да ги збогатите вашите искуства и да го примените вашето знаење во пракса.

Рак

Обидете се да им помогнете на другите, да се грижите за нив и да им го подобрите расположението. Зголемената емпатија и добрите дела ќе ви донесат ново сонце кое ќе ве грее во текот на есенските денови. Но, тоа не значи дека треба да се запоставите себеси.

Лав

Вашето сонце сјае кога сте во центарот на вниманието, па затоа играта треба да биде важен дел од вашиот живот. Излегувајте, дружете се и уживајте во многубројните авантури кои ве очекуваат овој период.

Девица

Посветете се на активности преку кои ќе им помогнете на другите. Тоа ќе ви донесе многу позитивна енергија и желба за да продолжите напред и со сопствените цели. Освен тоа, како хоби изберете нешто поврзано со убавина, дизајн или пишување. Сепак, не заборавајте да се грижите и за своето здравје.

Вага

Запознајте се со нови луѓе, обидете се да стекнете нови пријатели, а можеби дури и нова љубов. Комуницирајте со другите, излезете од вашата удобна зона и уживајте во бајката која ќе ви ја донесе есента.

Скорпија

Предизвикајте се себеси така што ќе започнете необично хоби. Не плашете се од тешкотии! Напротив, работете на совладување на пречките, но учете ги и другите како да го прават тоа. Надминете ги сите предизвици или преземете ризик со започнување сопствен бизнис. Научете да се опуштите и да уживате во вашиот потенцијал.

Стрелец

Пренесете го вашето знаење на другите. Навлезете во она што вистински ве интересира и споделете ги вашите размислувања за тоа. Ако е можно, патувајте колку што е можно повеќе и проучувајте ги културите на другите земји. Како хоби можете да изберете учење странски јазици, јавање коњ, тенис или шах.

Јарец

Поставувајте си практични цели и организирајте го вашето време. Сè што сте планирале можете да постигнете. Освен тоа, не плашете се да ја преземете улогата на лидер! Така, обидете се да ги земете работите во свои раце. Ќе се изненадите кога ќе увидите наесен колку тоа позитивно ќе влијае врз вашата енергија.

Водолија

Колку понепредвидливо и поекстравагантно се однесувате, толку посилно ќе свети вашето сонце. Не седете во сенка: искористете ја секоја можност да учествувате во јавниот живот. Заинтересирајте се за политика, придружете ѝ се на организација која обединува луѓе кои се страсни за заедничка идеја. Или самите вие креирајте таква заедница, на пример започнете со блогирање.

Риби

Во овој период музиката, поезијата, психологијата, фотографијата и киното ќе ви донесат огромна радост. Обидете се да најдете подлабоко значење на нештата кои ве опкружуваат, истражувајте го светот околу вас. Посветете им се на добротворните акции и поминувајте повеќе време во природа.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.