Постојат луѓе кои со сите сили се борат да ја одржат секоја љубовна врска, иако на сите околу нив им е одамна јасно дека врската одамна е готова.

Ова се хороскопските знаци коишто се борат за врската многу подолго одошто би требало…

Рак

Ракот е најчувствителниот знак во Зодијакот. Тој настојува да им угоди на луѓето околу себе, да ги негува односите со нив и вистински ги сака луѓето. Нему му е важна среќата на оние што го опкружуваат, а особено важна му е среќата на саканата личност. Со сите сили Раковите настојуваат да измамат насмевка на лицето на личноста што ја сакаат.

Меѓутоа, Раковите честопати се наоѓаат во погрешни врски, а уште почесто имаат проблем да излезат од таквите врски. Проблемот лежи во тоа што Раковите неверојатно ја вреднуваат личноста со којашто се и не можат да си го замислат животот без неа. Исто така, чувствуваат дека со своето оддалечување, ќе ѝ ги ускратат на таа личност нивните нежност, внимание и љубов. Ракот останува со саканата личност, бидејќи премногу се грижи за нејзината благосостојба, иако таа веќе покажала дека совршено се снаоѓа и без него.

Лав

Лавот е тврдоглав и ретко кога признава дека погрешил. На Лавот не му се допаѓа идејата да се откаже од луѓето во кои вложил труд, време и љубов. Исто така, идејата дека се работи за погрешна личност, е незамислива за еден Лав. Секако дека и Лавовите не сакаат да бидат карактеризирани како губитници, бидејќи се сметаат за борци, но понекогаш потребно е да признаат дека дошол крајот.

Лавот и покрај сите пријателски односи од страна ќе направи сѐ за врската осудена на пропаст да потрае уште малку. Ќе поднесе голема жртва, бидејќи не може да се помири со фактот дека дошол крајот. Она што Лавот не може да го разбере е дека не може да се задржи љубовта ако таа одлучила да си замине.

Вага

Вагата секогаш го гледа најдоброто во луѓето и нема потреба да се нагласи дека кај саканата личност ги гледа само квалитетите, никако недостатоците. Вагата има меко срце полно со разбирање и прошка. Таа секогаш сака да им даде на другите втора, трета, па и четврта шанса. Вагата искрено верува дека луѓето можат да се променат и да станат подобри, и покрај грешките што ги направиле.

Меѓутоа, она што Вагата не го разбира е дека реалниот свет функционира поинаку од нејзините надежи. Освен што ќе му дозволи на оној што го сака да ја гази, прифаќајќи ги неговите грешки како свои, Вагата истовремено е во заблуда дека работите магично ќе се поправат сами од себе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.