Венера, планетата на љубовта, убавината и уживањето, влегува во знакот на Девица на 21 јули, а Марс ќе ѝ се придружи на 27 јули. Поради влијанието на овие две планети, емоциите ќе бидат нескротливи.

Додека Венера поминува низ знакот на Девица, љубовниците ќе станат повнимателни кон својот партнер, ќе задоволуваат повеќе и ќе бидат пожртвувани.

Без оглед на кој знак припаѓате, сочувството, лојалноста и грижата ќе бидат клучните зборови во овој астро период. Ќе покажете љубов кон оние што ги сакате така што ќе бидете достапни и ќе им угодите.

Ќе се обидете да држите сè под контрола, ќе размислувате и ќе се грижите повеќе од вообичаено. Ова може да влијае на вас и да ги наруши вашите секојдневни навики, а особено ќе влијае на Близнаците, Стрелците и Рибите. Овие три знаци ќе наидат на мали препреки, особено на љубовно поле. Транзитот на Венера низ знакот Девица нема да биде најповолен за нив, но добрата вест е што по овој астро период, состојбата за нив се подобрува.

Од друга страна, земјените знаци на Бик, Јарец и Девица, но исто така и на Рак и Скорпија, ќе почувствуваат наплив на позитивна енергија и убави настани. Ѕвездите ќе им бидат поповолни од вообичаеното, а астролозите ве советуваат добро да го искористите овој период и да започнете да реализирате сè за што долго сте сонувале. Сега е вистинското време за тоа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.