Претседателот на СДСМ, Зоран Заев вечерва во гостувањето на ТВ 21 рече СДСМ не загубила од ВМРО-ДПМНЕ туку дека неговата партија добила жолт картон од своето гласачко тело.

-СДСМ не изгуби од ВМРО-ДПМНЕ. ВМРО-ДПМНЕ како и да го споредувате со било кои претходни избори е понизок со бројот на гласови. Коце Трајановски имаше 101.000 гласа во 2017, Шилегов имаше 141.000 гласови. Данела Арсовска сега или ВМРО-ДПМНЕ имаат 85.000 со сѐ Алијанса на Албанците кои гласаа за Данела Арсовска. Дури споредените гласови на ВМРО-ДПМНЕ ако се минусираат со тие од АА се помалку дури и од лани. Лани имаа некои 79.000, сега имаат 78.000 минус Алијансата. Тоа е јасно. ВМРО-ДПМНЕ не што држи константа, туку паѓа, континуирано паѓа. Проблемот е што ние го добивме нашиот жолт картон од нашите гласачи, рече Заев, додавајќи дека нема незадоволство од завршените инфраструктурни проекти во Град Скопје, но демократијата и слободата си го направило своето, па затоа многу гласале за независните кандидати.

Тој во пресметките заборави да ги изминусира гласовите на ДУИ и другите коалициони партнери, за да ја добие бројката на СДСМ и Петре Шилегов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.