Украинскиот претседател Володимир Зеленски изјави дека руските сили ја уништиле клучната инфраструктура во Херсон пред да се повлечат, пренесоа светските агенции.

„Пред да избегаат од Херсон, окупаторите ја уништија целата важна инфраструктура – комуникации, водоснабдување, снабдување со електрична енергија, греење“, рече тој.

„Русите насекаде имаат иста цел, да ги понижуваат луѓето што е можно повеќе. Но, ние ќе вратиме сè, верувајте ми“, додаде Зеленски во своето полноќно обраќање.

Зеленски изјави дека украинските сили деактивирале и 2.000 експлозиви, проектили и мини во градот. Тој објави дека украинските сили повторно ја презеле контролата врз речиси 60 населени места во регионот Херсон.

Околу 200 украински полицајци сега се стационирани во Херсон за да ги документираат, како што рече началникот на националната полиција Игор Клименко, „злосторствата на руските окупатори“ и да постават патни контролни пунктови.

 

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.