Министерството за надворешни работи на Русија соопшти дека „испораките на оружје на ЕУ за Киев ја направија ЕУ активна страна во конфликтот“.

Министерството додаде дека земјите кои испраќаат оружје во Украина се „спонзори на тероризмот“.

Портпаролката на руското МНР Марија Захарова на брифинг во Москва ги повтори критиките на Русија кон Западот поради испраќање напредно оружје во вредност од повеќе милијарди долари во Украина. Во меѓувреме, членките на Европската унија се договорија за нови мерки против Иран за неговата испорака на беспилотни летала во Русија.

Захарова ги нападна и САД.

Вие не сте само соучесници во злосторствата на режимот во Киев, вие сте токму оние за кои редовно зборувате во усвоените декларации и изјави. Вие сте спонзори на терористички активности кои се одвиваат под покровителство на режимот во Киев и директно со учество на НАТО како сојуз и како негови поединечни членки, предводени од САД, додаде таа.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.