Откако минатата недела околу 19.000 луѓе од Австрија присуствувале на музички фестивал во Хрватска, многумина се вратиле во Австрија заразени со коронавирус.

Во седум од деветте австриски покраини се регистрирани заболени кои се вратиле од хрватскиот остров Паг, а досега ги има повеќе од 100.

Експертите веруваат дека бројот на заразени лица кои се вратиле од тој фестивал во Австрија е далеку поголем, затоа посетителите на фестивалот се јавно повикани на тестирање.

Станува збор за фестивалот „Austria goes Zrce“, што се одржа на островот Паг, каде забавата продолжи и откако 21-годишен Австриец се удави во морето.

Агенцијата за здравје и безбедност на храна (AGES) апелираше до сите луѓе што беа на фестивалот да бидат тестирани, а имајќи го предвид големиот број учесници, се претпоставува дека кластерот Паг е огромен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.