Италијанскиот министер за здравство Роберто Сперанца изјави дека вонредната состојба воведена во таа земја поради коронавирусот, ќе биде продолжена до крајот на април.

Вонредната состојба првпат беше воведена пред една година и требаше да биде во сила до крајот на овој месец.

Општата епидемилошка слика се влоши минатата недела. Поради влошените индикатори, Владата смета дека вонредната состојба треба да се продолжи до 30 април, рече Сперанца во Парламентот.

Коронавирусот зеде речиси 80.000 животи во Италија, што ја прави земја на второ место во Европа по смртност и шеста во светот.

Во Италија, вкупно над 2,3 милиони луѓе се заразени со вирусот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.