Во поплавите што ја зафатија западна Германија на 14. и 15 јули, според новите владини податоци, загинаа 180 лица, а околу 150 се уште се водат за исчезнати или недостапни.

Според првичните податоци, имаше 177 жртви.

Германските метеоролошки служби повикаа на претпазливост поради новите врнежи од дожд викендов на западот на земјата.

Најпогодениот регион Рајнска област-Пфалц има 132 загинати и 766 повредени, соопшти полицијата во Кобленц.

Таму сè уште се бараат 149 лица.

Во соседната Северна Рајна-Вестфалија во поплавите загинаа 47 лица. Полицијата во Келн трага по две лица.

Едно лице загина во Баварија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.