Автобус полн со бегалци од Украина се превртел рано утринава на место недалеку од Лублин. Локалните медиуми јавуваат дека најмалку четири деца се повредени и тие итно се пренесени во болница.

Автобусот одел во правец на Варшава кога наеднаш излетал од патот во ендек и се превртел – соопшти локалната полиција.

Во автобусот имало 73 лица, меѓу кои и двајца возачи.

Најмалку пет патници се пренесени во болница.

Направен е алкотест на возачот и немал алкохол во крвта, соопштија од полицијата.

Еден милион луѓе побегнаа од Украина во Полска во последните осум дена кога почна инвазијата на Русија на Украина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.