Пратениците во американската сојузна држава Њујорк го усвоија Законот за легализација на марихуана, а гувернерот Ендру Куомо најави дека ќе го потпише новиот закон.

Законот предвидува лицата над 21 година да можат да купуваат марихуана за рекреативна употреба, а ќе биде воспоставен и лиценциртан систем за испорака на производи од канабис до клиентите.

Њујорчани ќе имаат и право да одгледуваат и три зрели и три незрели растенија за лична употреба.

Законот веднаш стапува во сила, но продажбата ќе може да почне дури за 18 месеци до 24 месеци, бидејќи Њујорк мора да наметне правила и да формира комисија што ќе биде надлежна за секторот.

Марихуаната за рекреативна употреба е дозволена уште во 14 други сојузни американски држави и Областа Колумбија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.