Во Мексико во последните седум дена убиени се тројца новинари.

Еден новинар е убиен ноќта помеѓу четвртокот и петокот, само 24 часа откако со пиштол е убиен уредник на еден информативен сајт.

Телото на третиот новинар е пронајдено на почетокот на неделата во напуштен автомобил во мексиканската држава Морелос.

Од почетокот на годината во Мексико убиени се девет новинари.

Мексико е една од најопасните држави за новинарите. Повеќе од 100 новинари се убиени од 2000 година поради нивните истражувања за трговија со наркотици и корупција. Поголемиот број од тие случаи помина неказнето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.