Во Калифорнија се отвора првиот ресторан во САД со канабис на менито, во редовна понуда. Но, за да ручате во овој угостителски објект, мора да имате над 21 година.

„Лоуел кафе“, кое се наоѓа во западен Холивуд, потврди за „Фокс њуз“ дека во својата понуда ќе вклучат марихуана, и тоа во разни облици. Гостите ќе можат да бираат кој вид канабис го сакаат и на кој начин да биде послужен.

Како што се наведува на интернет-страницата на ресторанот, тие ќе имаат „цветно мени” пред себе, кое секој ден ќе биде различно, „во зависност од сезонските жетви на нашите земјоделци и земјопоседници”.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.