Делта сојот на корона вирусот доминира во Италија со 95% од заразените, но и новиот сој ламбда почнува да ги загрижува здравствените власти, бидејќи веќе е регистриран во пет региони со 13 идентификувани случаи.

Видот ламбда за прв пат е регистриран во Перу во декември 2020 година и пристигна во 29 земји, претежно во Јужна Америка, но и во Европа. Во Италија, се појави во регионите на Ломбардија, Пиемонт, Емилија-Ромања, Лацио и Сицилија.

Првата студија објавена од Јапонија, покажува дека „степенот на инфекција е поголем во опасност од вирусот делта и се шири побрзо“.

Вирусот е именуван по земјата на потекло како перуански и означен со C.37. Содржи три мутации а две се особено опасни по степенот на заразност.

На прашањето колку и дали сегашните вакцини гарантираат заштита од овој вид, италијанските виролози велат дека се чини дека сегашните вакцини штитат од овој вид, иако две мутации во него се загрижувачки. Тие предупредуваат дека единственото решение е масовна и итна вакцинација.

Засега, инфекцијата со варијантата делта расте, расте бројот на хоспитализирани, расте бројот на примени лица на интензивна нега и се шири апсолутно во сите региони.

Причината за загриженоста за сојот ламбда не е без основа. Населението, особено младите луѓе на возраст од 12 до 19 години, е предупредено за итен одговор за вакцинација, кој се организира дури и на контролни пунктови во летните одморалишта без закажан термин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.